Network
JURNAL SOREANG- Warisan budaya karuhun Sunda lamun diimeutan mah kacida luhungna. Contona dina hal tatacara tatanen (pertanian), geus kabuktian leuwih “maju” ti batan tatacara tatanen modern bangsa deungeun.
Upamana wae tatacara ngolah tatanen nu kapanggih di masarakat Kanekes (Baduy) nu kawentar bisa ngagemuk / ngarangsang tumuwuhna binih pare” pare ku musik angklung, aya deui masarakat lianna nu biasa ngusir hama ku sora Karinding atawana masarakat Kasepuhan Sirnaresmi (Kasepuhan Banten Kidul) nu geus biasa melak tutuwuhan di lahan gawir nu gurawes anu pamohalan bisa dipigawe ku sistem tatanen modern.
Gemukna ge ku gemuk kandang atawana kompos lain gemuk kimia anu matak ngaruksak suburna taneuh jeung unsur hara lianna. Sawah ge sok dihaja dipelakan lauk pikeun nyuburkeun taneuhna.
Baca Juga: Gintingan, Budaya Gotong Royong Perekonomian Urang Sunda
Tah warisan budaya karuhun nu model kitu ku para nonoman jeung inohong Sunda anu kalibet dina organisasi Gerakan Pilihan Sunda, utamana Pokja Agraria, dimekarkeun deui. Sabab kabuktian mangpaatna gede pisan pikeun hirup-huripna manusa dina zaman ayeuna jeung kahareupna.
Kabuktian tanggal 11 Maret 2021 bareng jeung poean mieling Isra’ Mi’raj Nabi Muhammad SAW 12 Rajab 1442H, Gerakan Pilhan Sunda (Gerpis) ngagelar acara seremonial panen pare dina sawah garapanna di Ciherang Jalan Raya Soreang- Banjaran Kabupaten Bandung (Kolam Renang Islam Ciherang Indah).
Harita rawuh di antarana, Presdien Gerpis Andri Perkasa Kantaprawira, Ir Dadang Muhammad Hadiguna, Eep S Maqdir, Asep Maung, Nuri Ispanji, Dra.Hj. Eni Sumarni, Mkes, A. Najib Qudratullah- Dr. Iwa Kuswaeri RWS, Avi Taufik Hidayat, Dr. Nina Kurnia Hikmawati, Dr. Husin Al Banjari, Wan Trah Kunci Iman, jrrd.
Baca Juga: Cek Sumber ti Jawa, Keris Nusantara Asalna ti Para Empu Sunda
Anu narik dina melak parena make teknik “Salibu”, ahengna ku ngagunakeun tatacara ieu, cukup sakali melak / tandur bisa panen sababaraha kali .
